別人擁護我捨棄、別人捨棄我擁護
【明報即時新聞】美國太空總署說，「星塵計劃」中的「星塵號」從彗星外緣攜回塵埃，科學家發現無數地球沒見過的化學物質。
「星塵計劃」於1999年由加州噴射推進實驗室啟動，「星塵號」歷經7年46億公里的航程後，於今年1月14日將有史以來第一批彗星塵埃帶回地球。
「星塵計劃」華裔副發言人鄒哲表示，世界各地科學家歷經半年的研究發現，「星塵號」帶回超過100萬顆慧星塵埃，分析後居然沒有一粒的化學成分相同，且幾乎都沒有在地球上出現過，其他科學家預料至少需要10年才能解答。
鄒哲指出，在這個研究行動中，必須號召數以千計的化學研究人才加入，美太空總署將設法從大學中網羅有志化學研究的人才，也意味著化學相關科系將成為熱門學科。
新聞來源：明報即時新聞
人類對宇宙的認知是非常少，這100萬顆慧星塵埃已經可以證明這一點。
在世貿部長級會議期間從電視上看到一幕幕示威者衝擊警方防線的驚險場面，我想當時大家心情都有點不安，因為大家自出娘胎後在一個和平的大都市中成長，重未經歷過戰爭或六七年暴動這種大場面。與此同時，大家都會擔心市民同警察的生命安全受到威脅，看見許多警察被示威者襲擊，我內心很難過。但當聽見香港警察最終都能控制場面，才放下心頭大石。在此，我要向香港警察說聲多謝。多謝您們在世貿期間緊守崗站，維持香港法治！專業、包容同克制的表現令我們香港市民及全世界非常欣賞！
我同情韓國農民，因為貿易不平衡令他們生活艱苦。我認同他們以任何和平方式去表達訴求，但示威者以暴力衝擊警方防線及襲擊警務人員試圖阻止世貿部長級會議進行就萬萬不能接受。香港是一個法治社會，所有市民（包括警察、示威者、外國遊客等等）都受到香港法律保護。相反，任何人士如果違反香港法律，就需要面對法律制裁，這就是香港的法治精神。古語有云：『天子犯法，與庶民同罪』，沒有人可以用任何藉口去違反香港法律，破壞香港法治及社會秩序。 我理解到韓國人同香港人有很大的文化差別，但當他們來到香港的時候，就要尊重我們香港人的法律，香港人的文化。我想大多數市民在今時今日的香港不接受任何方式的暴力。
以下是我對事件中某些人的一些微言：
如果大家想為我們的警察打打氣，請到 http://youtough.com/hkpolice/。到了這個網站之後您就會發現，原來有好多人支持我們香港的警察！ 
- 香港電燈加價 7.2%
- 衝紅燈罰則記分加至 5 分，罰款加至 600 元
- 駕車使用手提電話，快速公路不靠左駛及電單車沒亮車頭燈改為定額罰款
- 九廣鐵路推出 200 元馬鞍山鐵路月票
- 公屋清潔扣分制新增扣分事項，包括升降機內吸煙，非法擺賣熟食，高空擲物傷人
- 新登記私家車須符合歐盟四期廢氣排放標準
電燈加價，即係叫啲人唔好再住港島區，如果衣食住行港島區都係最貴嘅話，咁邊道仲會有人住港島區呀。啲人成日話要縮窄貧富兩極分化，電燈加價 7.2%，對一啲低收入家庭嚟講，絕對係一個沉重嘅負擔，咁樣只會將貧富兩極化加劇。亞嘉成哥，你都搵夠啦，比條生路大家行下好喎！
衝紅燈扣五分我覺得無問題，不過罰 600 蚊就小咗啲喇。其實政府可以考慮下罰衝紅燈嘅人多啲錢，阻嚇性會更加大。香港人最鍾意就係錢，最唔鍾意就係唔見咗啲錢，尤其係比人罰錢，最怕。
高空擲物傷人乜唔係應該要去坐監嘅咩，點解只係扣分？ 高空擲物已經成為香港有啲地區嘅『特式』，有啲人為咗貪方便、貪小便宜就亂咁拋垃圾出街。不過我可以話你知，根據我嘅調查發現，貪小便宜嘅人係永遠唔會發達嘅！
我架車原來已經符合歐盟四期廢氣排放標準！
【明報專訊】民主派立法會議員李柱銘、單仲偕及陳偉業昨日在華盛頓與美國國務卿賴斯會面半小時，會後單仲偕指出，賴斯很關心民主派舉行的「12．4」遊行有多少人上街，亦很同情香港的情況，認同香港可加快民主步伐，以及關心香港何時有普選。她說會密切關注香港民主發展。李柱銘表示，邀請她訪港，了解香港已具備實行普選的質素和條件。
香港人要求全面普選，係正面、正確同有法理依據，但係同美國國務卿賴斯又有乜關係？有人話咁做係想美國更加理解香港目前情況，咁我又唔認同喎。佢地理解完可以做到啲乜？我覺得無囉！當所有決策人都係中國人嘅時候，點解要同美國人傾？尤其民主派人士已經可以同中央有對話嘅時候，點解唔直接反映意見？如果成日話中央唔肯聽取意見，講一次唔聽，可以講兩次三次格，點解要同一個無可能同香港有決策權嘅美國傾先？改善現狀有好多方案，但係同美國傾就一定唔係唯一方法。
我覺得香港需要民主，對經濟、對社會都有好處，但係唔代表我認同那些所謂民主派人士嘅想法同做法。攪遊行攪請願同美國傾已經係民主派人士常用嘅方法，攪幾次無問題，七十萬人上街都無問題，但係如果個個星期年年月月日日都係咁攪就問你死未！知唔知攪一次遊行影響有幾大？會影響到好多食肆、商店做生意、行人、道路使用者等等，對佢地唔公平、唔民主，起碼我見唔到有比個機會佢地選擇。如果攪遊行同美國傾就等同於攪民主嘅話我就一定唔認同。仲有，攪民主唔等於一定要犧牲小我完成大我，點解唔可以雙贏？我覺得喺香港攪民主就好似 sell 嘢咁，要用好多唔同嘅方法先至可以 sell 到您嘅『產品』比人，一個方法唔得，就要用其它方法，但係最難就係要令所有人都開心。
哩個『產品』唔易 sell，有人走出嚟 sell 唔等於佢地識 sell！
註：以上係小弟嘅個人意見，歡迎回覆討論
You are currently browsing the 9527.net weblog archives for the 時事新聞 category.
Longer entries are truncated. Click the headline of an entry to read it in its entirety.
