Snickers 化網絡悲憤為食量

網絡發展一日千里，同時亦令爭拗不斷，不過原來同肚餓有關？Snickers 就想出一個獨特解決方法，設計出 Hungerithm (hunger algorithm) 飢餓運算法，將售價同網絡氣氛掛鈎。無論情緒升溫、天氣轉差、政治風波、甚至連隕石撞地球，Snickers 售價都會自動調低，實行「網絡愈憤怒，售價就愈低」，讓大家化悲憤為食量。

Hungerithm 會透過 Twitter 監察網絡情緒，Snickers 網站會顯示最新售價。用家只需用手機登入 Snickers 網站，按下「GET A SNICKERS」，畫面就會即時顯示條碼，在指定時間內到 7-11 便利店利用條碼就可以用特惠價購買 Snickers。係唔係好開心呢？不過唔好意思，只限澳洲，香港無份。

全日 24 小時運作，網站每 10 分鐘發布最新憤怒指數及售價。平時風平浪靜，售價最高見過 AU$1.15（即原價），但當情緒失控，最低可低至 AU$0.50，完全海鮮價。網站亦會顯示影響指數起伏的相關推文 (tweets)。

推廣期至 6 月 27 日，剛剛在 7 月 2 日澳洲大選前結束。不論是故意或巧合，能夠將 anger（憤怒）變成 opportunity（機會），再配合網絡元素，完全是天時、地利、人和的完美結合。Mars 多年來推廣 Snickers 為減壓良方，相信今次終於可以「吐氣揚眉」。

來源：CNBC

（完）